India
ആത്മീയതയുടെ മറവിൽ മയക്കുമരുന്ന് നൽകി പീഡനം; 58 സ്ത്രീകളുടെ ദൃശ്യങ്ങൾ പകർത്തി, ജ്യോതിഷി പിടിയിൽ
പീഡനക്കേസില് ജ്യോതിഷി അറസ്റ്റില്. ആത്മീയതയുടെയും ജ്യോതിഷത്തിന്റെയും മറവില് സ്ത്രീകളെ ലൈംഗികമായി പീഡിപ്പിച്ച ജ്യോതിഷി അശോക് ഖരാട്ട്(67) ആണ് അറസ്റ്റിലായത്. മഹാരാഷ്ട്രയിലെ നാസിക്കിലാണ് സംഭവം.
മയക്കുമരുന്ന് നല്കിയും ഹിപ്നോട്ടിസം ചെയ്തും പീഡിപ്പിച്ചെന്നും ദൃശ്യങ്ങള് പകര്ത്തി ഭീഷണിപ്പെടുത്തിയെന്നും ആരോപിച്ച് 35 കാരി പരാതി നല്കിയതോടെയാണ് ഇയാള് നടത്തിയ പീഡന പരപമ്പര പുറത്തുവന്നത്.
വ്യക്തിപരമായ പ്രശ്നങ്ങള്ക്ക് പരിഹാരക്രിയകള് ചെയ്യാമെന്ന് പറഞ്ഞ് വിശ്വസിപ്പിക്കുകയും തുടർന്ന് ഓഫീസിലേക്ക് വിളിച്ചുവരുത്തിയുമായിരുന്നു പീഡനം.