Kerala
കേരളത്തിൽ ഉച്ചക്ക് ശേഷം ഇടിമിന്നലോടുകൂടിയ മഴയ്ക്ക് സാധ്യത
തിരുവനന്തപുരം: തീവ്ര ചുഴലിക്കാറ്റായ ‘ശക്തി’ വടക്ക് കിഴക്കൻ അറബികടലിൽ തുടരുന്നു.
തെക്ക് പടിഞ്ഞാറു ദിശയിൽ നിലവിൽ സഞ്ചാരിക്കുന്ന ‘ശക്തി’ തിങ്കളാഴ്ചയോടെ ദിശ മാറി കിഴക്ക് വടക്ക് കിഴക്ക് ഭാഗത്തേയ്ക്ക് നീങ്ങി ശക്തി കുറയാൻ സാധ്യത.
രണ്ട് സംസ്ഥാനങ്ങൾക്ക് മുകളിലായി ന്യൂനമർദ്ദം നിലനിൽക്കുന്നുണ്ട്. ഉത്തർപ്രദേശിനും ബീഹാറിനു മുകളിൽ ആണ് നിലവിൽ ന്യൂനമർദ്ദം നിലനിൽക്കുന്നത്. കേരളത്തിൽ നിലവിൽ ന്യൂനമർദ്ദ / ചുഴലിക്കാറ്റ് ഭീഷണിയില്ല.
എന്നാൽ ഇനി മുതൽ ഉച്ചയ്ക്ക് ശേഷവും രാത്രിയും ഇടിമിന്നലോട് കൂടിയ കിഴക്കൻ മഴക്ക് സാധ്യത ഉണ്ടെന്നാണ് കാലാവസ്ഥ പ്രവചനം. മലയോര മേഖലയിൽ ഇത് കൂടുതലായി പ്രതീക്ഷിക്കാം.