Kerala
രാഹുലിന് സംരക്ഷണം നൽകരുതെന്ന് ഒരു വിഭാഗം; മാറ്റിനിർത്തരുതെന്ന് ഷാഫി പറമ്പിലും നേതാക്കളും
തിരുവനന്തപുരം: രാഹുല് മാങ്കൂട്ടത്തില് എംഎല്എയെ സംരക്ഷിക്കുന്നതില് സംസ്ഥാന കോണ്ഗ്രസ് രണ്ട് തട്ടില്.
രാഹുലിന് സംരക്ഷണം ഒരുക്കരുതെന്ന് ഒരു വിഭാഗം നിലപാട് സ്വീകരിക്കുമ്പോള് മാറ്റിനിര്ത്തുന്നതില് ഷാഫി പറമ്പിലും ഒരു വിഭാഗം നേതാക്കളും അതൃപ്തരെന്നാണ് വിവരം. ഇത് സംബന്ധിച്ച് ഭിന്നത പുകയുകയാണ്.
രാഹുല് മാങ്കൂട്ടത്തില് എംഎല്എയ്ക്കെതിരെ ഉയര്ന്നിരിക്കുന്നത് ഗുരുതര ആരോപണങ്ങള് എന്ന വിലയിരുത്തലിലാണ് കോണ്ഗ്രസിലെ ഒരു വിഭാഗം നേതാക്കള്. രാഹുലിനെ സസ്പെന്ഡ് ചെയ്ത നടപടി സ്വാഗതാര്ഹമെന്നും ഇവര് നിലപാട് സ്വീകരിക്കുന്നു.
ഗര്ഭഛിദ്രം അടക്കമുള്ള ആരോപണങ്ങള് നിലനില്ക്കെ സ്ത്രീകള്ക്കൊപ്പമെന്ന നിലപാട് ഉയര്ത്തി രാഹുല് എംഎല്എ സ്ഥാനത്ത് നിന്ന് രാജിവെയ്ക്കണമെന്നും ഇവര് ആവശ്യപ്പെടുന്നു. രാഹുല് മാങ്കൂട്ടത്തിലിനെ ഇനിയും സംരക്ഷിക്കുന്നത് തെറ്റായ സന്ദേശം നല്കുമെന്നും ഇവര് പറയുന്നു.