Kerala
ബേപ്പൂരില് സജീവമാകാന് അന്വറിന് യുഡിഎഫ് നേതൃത്വത്തിന്റെ നിര്ദേശം
നിയമസഭാ തെരഞ്ഞെടുപ്പില് തൃണമൂല് കോണ്ഗ്രസ് നേതാവ് പി വി അന്വര് കോഴിക്കോട് ബേപ്പൂരില് മത്സരിക്കണമെന്ന നിര്ദേശവുമായി യുഡിഎഫ് നേതൃത്വം. മണ്ഡലത്തില് സജീവമാകാന് അന്വറിന് യുഡിഎഫ് നേതൃത്വം നിര്ദ്ദേശം നല്കി.
ബേപ്പൂരില് മത്സരിക്കണമെന്ന് കോഴിക്കോട് ഡിസിസിയും അന്വറിന് മേൽ സമ്മര്ദം ചെലുത്തിയെന്നാണ് സൂചന. പൊതുമരാമത്ത് വകുപ്പ് മന്ത്രി മുഹമ്മദ് റിയാസിനെതിരെ പി വി അന്വര് മത്സരിച്ചാല് കോഴിക്കോട് ഗുണകരമാകുമെന്ന വിലയിരുത്തലിലാണ് യുഡിഎഫ്. തൃണമൂല് കോണ്ഗ്രസിന് ഒരു സീറ്റ് മാത്രം നല്കാനാണ് മുന്നണിയിലെ ആലോചന.