Kerala
കാലു പിടിക്കുമ്പോള് മുഖത്ത് ചവിട്ടുകയാണ് യുഡിഎഫ്, ബസില് ക്ലീനര്ക്കൊപ്പം കയറാമെന്ന് പോലും പറഞ്ഞതാണ്, ഇനി കാലു പിടിക്കാനില്ല: പി വി അന്വര്
കോണ്ഗ്രസ് അവഗണനയെക്കുറിച്ച് എണ്ണിപ്പറഞ്ഞ് പി വി അന്വര് രംഗത്ത്. തന്നെ വസ്ത്രാക്ഷേപം നടത്തി ചെളിവാരിയെറിയുന്ന അവസ്ഥയാണിതെന്നും ഇനി ആരുടേയും കാലുപിടിക്കാന് താനില്ലെന്നും അന്വര് പറഞ്ഞു. സഹകരണ മുന്നണിയാക്കാമെന്ന് യുഡിഎഫ് പറഞ്ഞപ്പോള് താനത് അംഗീകരിച്ചു.
പക്ഷേ അത് പൊതുസമൂഹത്തോട് പറഞ്ഞില്ല. പകരം അന്വര് തീരുമാനിക്കട്ടേ എന്നാണ് പ്രതിപക്ഷ നേതാവ് മാധ്യമങ്ങളോട് പറഞ്ഞത്. താന് ഇനി എന്താണ് ചെയ്യേണ്ടതെന്നും എന്ത് തെറ്റാണ് ചെയ്തതെന്നും പി വി അന്വര് ചോദിച്ചു. കാലുപിടിക്കുമ്പോള് യുഡിഎഫ് തന്റെ മുഖത്ത് ചവിട്ടുകയാണെന്നും അദ്ദേഹം കൂട്ടിച്ചേര്ത്തു.