Kerala
വീട്ടില് പോയി ചോദിച്ചാല് മതി’; പ്രസംഗിക്കുന്നതിനിടെ ചോദ്യം ചോദിക്കാന് ശ്രമിച്ച ആളോട് മുഖ്യമന്ത്രി
പത്തനംതിട്ട: പ്രസംഗത്തിനിടെ സദസില് നിന്ന് ചോദ്യം ചോദിക്കാൻ ശ്രമിച്ച ആളോട് വീട്ടില് പോയി ചോദിച്ചാല് മതിയെന്ന മറുപടി നല്കി മുഖ്യമന്ത്രി പിണറായി വിജയന്. കോന്നിയില് എല്ഡിഎഫിന്റെ പൊതുസമ്മേളനത്തിലാണ് മുഖ്യമന്ത്രിയുടെ മറുപടി.
ഗതാഗത സൗകര്യങ്ങള് വര്ധിപ്പിക്കുക എന്ന വിഷയം സംസാരിക്കുമ്പോഴാണ് സദസില് നിന്നും ഒരാള് ചോദ്യം ചോദിക്കാൻ ശ്രമിച്ചത്.
‘ഒരു ചോദ്യം’ എന്നായിരുന്നു ഇയാൾ പറഞ്ഞത്. തൊട്ടുപിന്നാലെ മുഖ്യമന്ത്രി ഇയാൾക്ക് മറുപടിയായി ‘വീട്ടില് പോയി ചോദിച്ചാല് മതി’ എന്ന് പറയുകയായിരുന്നു.