India
പഹല്ഗാമിൽ ഭീകരാക്രമണം നടത്തിയത് 4 ഭീകരർ; ചിത്രം പുറത്ത്
ശ്രീനഗര്: പഹല്ഗാം ഭീകരാക്രമണത്തില് പങ്കാളികളായ നാല് ഭീകരരുടെ ചിത്രങ്ങള് സുരക്ഷാ ഏജന്സികള് പുറത്തുവിട്ടു. ഭീകരസംഘടനയായ ലഷ്കറെ തൊയിബയുമായി ബന്ധമുള്ളവർ ആണ് ഇവര്.
ആസിഫ് ഫൗജി, സുലേമാന് ഷാ, അബു തല്ഹ എന്നിങ്ങനെയാണ് ഇതില് മൂന്നാളുകളുടെ പേരുകളെന്നും ഔദ്യോഗികവൃത്തങ്ങളെ ഉദ്ധരിച്ച് ദേശീയമാധ്യമങ്ങള് റിപ്പോര്ട്ട് ചെയ്തു.
നാല് ഭീകരരും ആയുധങ്ങളുമേന്തി നില്ക്കുന്ന ചിത്രങ്ങളാണ് പുറത്തുവന്നിരിക്കുന്നത്. പല്ഹാം ഭീകരാക്രമണത്തില് ഇവര് നാലുപേര്ക്കും നേരിട്ട് പങ്കുള്ളതായാണ് റിപ്പോര്ട്ടുകളില് പറയുന്നത്. ‘ ദി റെസിസ്റ്റന്സ് ഫ്രണ്ട്’ എന്ന ഭീകരസംഘടനയാണ് പഹല്ഗാം ഭീകരാക്രമണത്തിന്റെ ഉത്തരവാദിത്വം ഏറ്റെടുത്തിരുന്നത്. ഇത് പാക് ഭീകരസംഘടനയായ ലഷ്കറെ തൊയിബയുടെ പിന്തുണയുള്ള ഭീകരസംഘടനയാണ്.