Kerala
എല്ഡിഎഫ് അല്ലാതെ മറ്റാരുണ്ടെന്ന മുദ്രാവാക്യം ശരിയായില്ല; പരാജയത്തില് പി രാജീവ്
തിരുവനന്തപുരം: എല്ഡിഎഫ് പരാജയത്തില് തുറന്ന് പറച്ചിലുമായി മുന് മന്ത്രി പി രാജീവ്. എല്ഡിഎഫ് അല്ലാതെ മാറ്റാരുണ്ടെന്ന മുദ്രാവാക്യം ശരിയായില്ലെന്ന് പി രാജീവ് പറഞ്ഞു.
കമ്പ്യൂട്ടറില് ചെയ്യുന്നത് പോലെ ‘Undo’ അടിക്കാന് പറ്റില്ലല്ലോ. ജനങ്ങള്ക്കിടയില് മറ്റൊരു ബോധം സൃഷ്ടിച്ചെന്നും പി രാജീവ് പറഞ്ഞു. മലപ്പുറം അരീക്കോട് നടന്ന ഇഎംഎസ് സെമിനാറിലായിരുന്നു രാജീവിന്റെ തുറന്ന് പറച്ചില്.
എസ്എന്ഡിപി യോഗം ജനറല് സെക്രട്ടറി വെള്ളാപ്പള്ളി നടേശനുമായി ബന്ധപ്പെട്ട വിഷയത്തില് തെറ്റുപറ്റിയെന്നും അദ്ദേഹം കൂട്ടിച്ചേര്ത്തു. ശക്തമായ നടപടി സ്വീകരിച്ചില്ലെന്നും അദ്ദേഹം പ്രതികരിച്ചു.
ശബരിമല സ്വര്ണക്കൊള്ളയില് നടപടി എടുക്കണമായിരുന്നുവെന്നും പി രാജീവ് പറഞ്ഞു.