Kerala
വിലക്ക്; വാര്ത്ത അടിസ്ഥാന രഹിതമെന്ന് പി കെ ശ്രീമതി
തിരുവനന്തപുരം: സിപിഎം സംസ്ഥാന സെക്രട്ടേറിയറ്റ് യോഗത്തില് വിലക്ക് ഏര്പ്പെടുത്തിയെന്ന വാര്ത്ത നിഷേധിച്ച് മുതിര്ന്ന നേതാവ് പി കെ ശ്രീമതി. ഫെയ്സ്ബുക്ക് കുറിപ്പിലൂടെയാണ് പി കെ ശ്രീമതി വിലക്ക് വാര്ത്ത നിഷേധിച്ചത്. വാര്ത്ത തികച്ചും അടിസ്ഥാന രഹിതമാണെന്നും, പിന്വലിക്കണമെന്നും പി കെ ശ്രീമതി കുറിപ്പില് വ്യക്തമാക്കി.
ഈ മാസം 19 ന് ചേര്ന്ന സിപിഎം സംസ്ഥാന സെക്രട്ടേറിയറ്റ് യോഗത്തില് പങ്കെടുക്കാനെത്തിയ പി കെ ശ്രീമതിയെ മുഖ്യമന്ത്രി പിണറായി വിജയന് വിലക്കിയെന്നായിരുന്നു റിപ്പോര്ട്ടുകള്. പ്രായപരിധി ഇളവ് ബാധകം കേന്ദ്ര കമ്മിറ്റിയില് മാത്രമാണ്. അതിനാല് കേന്ദ്രകമ്മിറ്റി അംഗം എന്ന നിലയില് കേരളത്തിലെ പാര്ട്ടി സംസ്ഥാന സെക്രട്ടറിയേറ്റ് യോഗത്തില് പങ്കെടുക്കാനാവില്ല എന്നും പറഞ്ഞെന്നായിരുന്നു റിപ്പോര്ട്ട്.