Kerala
സ്വര്ണം കട്ടവരാരപ്പാ? സഖാക്കളാണേ അയ്യപ്പാ എന്ന് പാടി പ്രതിപക്ഷം; കോണ്ഗ്രസാണേ അയ്യപ്പാ എന്ന് മന്ത്രി വി ശിവന്കുട്ടി
ശബരിമല സ്വര്ണക്കൊള്ളക്കേസുമായി ബന്ധപ്പെട്ട് നിയമസഭയില് പാരഡിപ്പോരും രൂക്ഷമായ വാദപ്രതിവാദങ്ങളും. തദ്ദേശ തിരഞ്ഞെടുപ്പ് സമയത്ത് ഏറെ വിവാദമായ പോറ്റിയേ കേറ്റിയേ എന്ന പാരഡി പാട്ട് പാടിക്കൊണ്ടും ഈ വരികളെഴുതിയ ബാനറുകള് പിടിച്ചുമായിരുന്നു പ്രതിപക്ഷത്തിന്റെ പ്രതിഷേധം.
‘സ്വര്ണം കട്ടവരാരപ്പാ, കോണ്ഗ്രസാണേ അയ്യപ്പാ’ എന്ന് മറുപാട്ട് പാടിക്കൊണ്ടാണ് മന്ത്രി വി ശിവന്കുട്ടി ഉള്പ്പെടെയുള്ളവര് ഇതിനെ പ്രതിരോധിച്ചത്. ഉണ്ണികൃഷ്ണന് പോറ്റിയ്ക്കൊപ്പം സോണിയാ ഗാന്ധി നില്ക്കുന്ന ചിത്രത്തെക്കുറിച്ച് പറഞ്ഞുകൊണ്ടായിരുന്നു സഭയില് ഭരണപക്ഷത്തിന്റെ പ്രതിരോധം. പ്രതിപക്ഷ ബഹളത്തെത്തുടര്ന്ന് സഭ പിരിഞ്ഞു