Kerala
മെസി മാര്ച്ചിലും കേരളത്തിലേക്കില്ല
ദോഹ: കേരളത്തിലെ ഫുട്ബോള് ആരാധകര്ക്ക് നിരാശ. മെസിയും സംഘവും മാര്ച്ചില് കേരളത്തിലെത്താനുള്ള സാധ്യതയില്ലെന്നാണ് റിപ്പോര്ട്ടുകള്. മാര്ച്ചില് സ്പെയിനുമായി നടക്കുന്ന ഫൈനലിസിമക്ക് ശേഷം ഖത്തറുമായി സൗഹൃദ മത്സരം അര്ജന്റീന ഷെഡ്യൂള് ചെയ്തതാണ് തിരിച്ചടി ആയിരിക്കുന്നത്.
മാര്ച്ച് 27ന് ഖത്തറിലെ ലുസൈല് സ്റ്റേഡിയത്തില് സ്പെയിനുമായി ഫൈനലിസിമ നേരത്തെ പ്രഖ്യാപിച്ചിരുന്നു. യൂറോ ചാംപ്യന്മാരും കോപ അമേരിക്ക ജേതാക്കളും നേര്ക്കുനേര് വരുന്ന പോരാട്ടത്തിന് ശേഷം മാര്ച്ച് വിന്ഡോയുടെ അവസാനം കേരളത്തിലേക്ക് വരുമെന്നായിരുന്നു പ്രതീക്ഷിച്ചത്. എന്നാല് ജൂണില് നടക്കുന്ന ഫിഫ ലോകകപ്പിന് മുന്നോടിയായി മാര്ച്ച് 31ന് ഖത്തറിനെതിരെ ലുസൈല് സ്റ്റേഡിയത്തില് മറ്റൊരു മത്സരം കളിക്കാനാണ് മെസിയും സംഘവും തയാറെടുക്കുന്നത്.
ഇതോടെയാണ് മാര്ച്ച് വിന്ഡോയില് സംസ്ഥാനത്തേക്ക് വരുന്നത് അടഞ്ഞ അധ്യായമായി മാറിയത്. മാര്ച്ച് 23 മുതല് 31 വരെ ഒന്പത് ദിവസമാണ് ഫിഫ വിന്ഡോയുള്ളത്.