Kerala
വടശേരി ദാമോദര മേനോൻ സതീശൻ സ്ഥാനമേറ്റ് മൂന്നാം നാൾ ദളിത് വേട്ട: എം ബി രാജേഷ്
കൊച്ചി: പാരിയത്തുകാവിലെ പൊലീസ് വേട്ടയില് മുഖ്യമന്ത്രി വി ഡി സതീശനെതിരെ മുന് മന്ത്രി എം ബി രാജേഷ്. മുഖ്യമന്ത്രിയായി വടശ്ശേരി ദാമോദര മേനോന് സതീശന് സ്ഥാനമേറ്റെടുത്തതിന്റെ മൂന്നാം നാളാണ് ദളിത് കുടുംബങ്ങളെ ഒഴിപ്പിക്കാന് പൊലീസ് വേട്ടക്കിറങ്ങിയതെന്ന് രാജേഷ് പറഞ്ഞു.
എല്ഡിഎഫ് ഭരിക്കുമ്പോഴും കോടതി വിധിയുണ്ടായിരുന്നെന്നും എന്നാല് മാനുഷിക പരിഗണനയോടെയാണ് വിഷയത്തില് ഇടപെട്ടതെന്നും എം ബി രാജേഷ് ഫേസ്ബുക്ക് പോസ്റ്റില് കുറിച്ചു.
അശരണരായ സ്ത്രീകളുടെയും കുട്ടികളുടെയും കൂട്ടനിലവിളികള് കേട്ടാണ് ഭരണമാറ്റത്തിന്റെ, പുതുയുഗമാരംഭിക്കുന്നത്. നിയമത്തിന്റെ ഹൃദയശൂന്യമായ സാങ്കേതികത്വത്തിനുപരിയായി നീതിയുടെ മാനുഷിക പരിഗണനയുള്ള ഒരു സര്ക്കാര് മുമ്പ് ഈ പ്രശ്നം കൈകാര്യം ചെയ്തതിന്റെ പാഠം ഉള്ക്കൊള്ളാന് യുഡിഎഫ് സര്ക്കാര് തയ്യാറാവുകയാണ് വേണ്ടത്.
അല്ലാതെ പത്തുവര്ഷത്തെ അധികാര വരള്ച്ചയ്ക്കുശേഷം ഭരണം പിടിച്ചതിന്റെ രാഷ്ട്രീയവെറി പാവപ്പെട്ടവരോട് തീര്ക്കുകയല്ല’ എം ബി രാജേഷ് കൂട്ടിച്ചേര്ത്തു.