മരിയസദനം ചാരിറ്റി കാർണിവൽ മനശാന്തി 2026 നു മരിയസദനത്തിൽ തുടക്കമായി

മരിയസദനം ചാരിറ്റി കാർണിവൽ മനശാന്തി 2026 നു മരിയസദനത്തിൽ തുടക്കമായി. അന്ധതയെ തോൽപ്പിച്ച് സിവിൽ സർവീസ് നേടിയ കുമാരി ജസീല ജന്നത്ത് പി ഉദ്ഘാടനം നിർവഹിച്ചു.ജോസ് കെ മാണി എം പി, സന്തോഷ് മരിയസദനം, ദിയ ബിനു പുളിക്കക്കണ്ടം, ബൈജു കൊല്ലംപറമ്പിൽ,തോമസ് പീറ്റർ, ഷിബു തെക്കേമറ്റം, പ്രൊഫ. പി. ഡി ജോർജ്, ജോർജ് കരുണക്കൽ,

അബ്ദുല്ലാ ഖാൻ, ഫാ. ജോർജ് വയലിൽപറമ്പിൽ എന്നിവർ സംസാരിച്ചു.പാലാ പി ഓ 4 എന്ന മരിയസദനം ക്രിയേഷൻസ് അവതരിപ്പിക്കുന്ന വെബ് സീരീസ് ടീസറിന്റെ സ്വിച്ച് ഓൺ കർമ്മം ജോസ് കെ മാണി നിർവഹിച്ചു.പാലാ ബ്ലഡ് ഫോറത്തിന്റെ നേതൃത്വത്തിൽ സന്നദ്ധ രക്തദാന ക്യാമ്പ് രണ്ടുദിവസവും ഉണ്ടായിരിക്കുന്നതാണ്.തുടർന്ന് വിവിധ സാംസ്കാരിക പരിപാടികളും സെമിനാറുകളും അരങ്ങേറി സഫലം, സൗഹൃദ സമിതി, പിതൃവേദി, എസ് ബി ഐ പെൻഷൻ അസോസിയേഷൻ എന്നിവരുടെ നേതൃത്വത്തിൽ സീനിയർ സിറ്റിസൺസ് മീറ്റ് നടന്നു.നാടൻ തട്ടുകട,ചായക്കട, കൂൾബാർ

ഐസ്ക്രീം പാർലർ ബജ്ജി കടകൾ ഭക്ഷണശാലകൾ എന്നിവ മനശാന്തി 2026 യോടനുബന്ധിച്ച് ക്രമീകരിച്ചിട്ടുണ്ട്. നാളെ രാവിലെ 9 മണി മുതൽ രാത്രി 10 മണി വരെ വിവിധ കലാപരിപാടികളും സാംസ്കാരിക സമ്മേളനങ്ങളും നടക്കും എല്ലാ മരിയസദനം സഹകാരികളെയും ഈ രണ്ടുദിവസം മരിയസദനത്തിൽ നടക്കുന്ന മനശാന്തി 2026 ചാരിറ്റി കാർണിവലിലേയ്ക്ക് ഏവരെയും ക്ഷണിക്കുന്നു. ആരോരുമില്ലാത്ത നൂറുകണക്കിന് ആളുകൾക്ക് ബന്ധുക്കളും സഹോദരങ്ങളുമായി പാലായിലെ സുമനസ്സുകൾ മാത്രമാണുള്ളത്

അവരെ കാണുവാനും സ്നേഹം പങ്കിടാനും ഈ അവസരം എല്ലാവരും പ്രയോജനപ്പെടുത്തുക…