Kerala
കാസര്കോട് ഷാനവാസ് പാദൂര് എല്ഡിഎഫ് സ്ഥാനാര്ഥി
കാസര്കോട്: നിയമസഭാ തെരഞ്ഞെടുപ്പില് കാസര്കോട് ഷാനവാസ് പാദൂര് എല്ഡിഎഫ് സ്ഥാനാര്ഥിയാകും. മുന് ജില്ലാ പഞ്ചായത്ത് വൈസ് പ്രസിഡന്റായ അദ്ദേഹം സ്വതന്ത്രനായാണ് മത്സരിക്കുക. ഐഎന്എല് – സിപിഎം നേതാക്കളുടെ യോഗത്തിലാണ് തീരുമാനം. സ്ഥാനാര്ത്ഥിത്വം സംബന്ധിച്ച ഔദ്യോഗിക പ്രഖ്യാപനം നാളെ ഉണ്ടാകും.
മഞ്ചേശ്വരത്താണ് ഷാനവാസ് പാദൂരിനെ ആദ്യഘട്ടത്തില് പരിഗണിച്ചിരുന്നത്. എന്നാല് മറ്റ് സാഹചര്യങ്ങള് കൂടി കണക്കിലെടുത്ത് അത് വേണ്ടെന്ന് സിപിഎം തീരുമാനിക്കുകയായിരുന്നു. പിന്നീട് കാസര്കോട് മത്സരിക്കണമെന്ന് ഷാനവാസ് പാദൂരിനോട് സിപിഎം ആവശ്യപ്പെട്ടെങ്കിലും അദ്ദേഹം താത്പര്യം പ്രകടിപ്പിച്ചില്ല.
നിലവില് ഐഎന്എല്ലിന്റെ സീറ്റാണ് കാസര്കോട്. ഷാനവാസ് പാദൂരാണ് മത്സരിക്കുന്നതെങ്കില് സീറ്റ് നല്കാന് തയ്യാറാണെന്ന് ഐഎന്എല് അറിയിച്ചിരുന്നു. തുടര്ന്ന് നടത്തിയ ചര്ച്ചയിലാണ് കാസര്കോട്ടെ സീറ്റില് തീരുമാനമായത്.