India
കുനോ ദേശീയോദ്യാനത്തിൽ പത്താമത്തെ ചീറ്റയും ചത്തു
ഭോപ്പാൽ: മധ്യപ്രദേശിലെ കുനോ നാഷണൽ പാർക്കിൽ ചൊവ്വാഴ്ച ഉച്ചയോടെ മറ്റൊരു ചീറ്റ കൂടി ചത്തു. ഇതോടെ ആഫ്രിക്കയിൽ നിന്ന് ഇന്ത്യയിലേയ്ക്ക് ചീറ്റകളെ കൊണ്ടുവന്ന ശേഷം ചത്ത പത്താമത്തെ ചീറ്റയാണിത്. നമീബിയയിൽ നിന്നെത്തിച്ച ശൗര്യയെന്ന ചീറ്റയാണ് ചത്തത്. മരണകാരണം പോസ്റ്റ്മോർട്ടത്തിന് ശേഷം വ്യക്തമാകുമെന്ന് നാഷണൽ പാർക്കുമായി ബന്ധപ്പെട്ട ഉദ്യോഗസ്ഥൻ പ്രസ്താവനയിൽ വ്യക്തമാക്കി.
കുനോ ദേശീയ ഉദ്യാനത്തിൽ ഇതുവരെ മുതിർന്ന ഏഴ് ചീറ്റകളും മൂന്ന് കുഞ്ഞുങ്ങളും അടക്കം പത്ത് ചീറ്റകളാണ് ഇതുവരെ ചത്തത്. വിവിധ അണുബാധകളാണ് ചീറ്റകൾ ചാവാൻ കാരണമെന്നാണ് അധികൃതർ വ്യക്തമാക്കിയിരിക്കുന്നത്.