Kerala
ഹൃദയ ശസ്ത്രക്രിയ പ്രതിസന്ധി; കമ്പനികള്ക്ക് സ്റ്റെന്റ് ഉള്പ്പെടെയുള്ള ഉപകരണങ്ങള് കൈമാറി കോട്ടയം മെഡിക്കല് കോളജ്
ഹൃദയ ശസ്ത്രക്രിയ പ്രതിസന്ധിയില് സര്ക്കാരിനെ വെട്ടിലാക്കി കോട്ടയം മെഡിക്കല് കോളജ്. ഉപകരണങ്ങള് തിരിച്ചെടുക്കാനെത്തിയ കമ്പനി പ്രതിനിധികള്ക്ക് സ്റ്റെന്റ് ഉള്പ്പെടെയുള്ളവ അധികൃതര് കൈമാറി.
ആരോഗ്യവകുപ്പിന് കടുത്ത അതൃപ്തി. ഉപകരണങ്ങള് തിരിച്ചെടുത്ത് കാത്ത് ലാബിന് മുന്നില് വച്ച് വീഡിയോ ചിത്രീകരിക്കാന് അവസരം നല്കി. കടുത്ത നടപടികളിലേക്ക് പോയാല് തുടര്ന്ന് സഹകരിക്കില്ലെന്ന് ആയിരുന്നു മറ്റ് ആശുപത്രി അധികൃതരുടെ നിലപാട്.
കോട്ടയം മെഡിക്കല് കോളജില് ഈ വിതരണക്കമ്പനിക്കാര് തന്നെ നേരിട്ടെത്തി ഉപകരണങ്ങള് തിരിച്ചെടുക്കുകയായിരുന്നു. കോട്ടയം മെഡിക്കല് കോളജ് അധികൃതരുടെ ഭാഗത്ത് നിന്നുതന്നെ ഇക്കാര്യത്തില് ഗുരുതരവീഴ്ച സംഭവിച്ചു എന്നതാണ് ആരോഗ്യ വകുപ്പിന്റെ നിഗമനം.
കാരണം, മറ്റ് മെഡിക്കല് കോളജുകളിലെ ആശുപത്രി സൂപ്രണ്ടുമാര് ചര്ച്ച നടത്തി, കൂടുതല് സമയം തേടിയപ്പോള് കോട്ടയം മെഡിക്കല് കോളജ് ആശുപത്രി അധികൃതര് ഈ ശസ്ത്രക്രിയ ഉപകരണങ്ങള് വിതരണക്കമ്പനിക്കാര്ക്ക് കൈമാറി എന്നുള്ള ആക്ഷേപമാണ് ഉയരുന്നത്.