Kerala
സിഗരറ്റ് നൽകാൻ വൈകിയതിന് കടയിലെ ജീവനക്കാരനെ ക്രൂരമായി മർദിച്ച് മൂന്നംഗ സംഘം
കൊച്ചി: കൊച്ചിയില് സിഗരറ്റ് നല്കാന് വൈകിയതിന് കടയിലെ ജീവനക്കാരനെ മര്ദിച്ചു. വൈറ്റിലയിലെ കടയിലെത്തിയ മൂന്നംഗ സംഘമാണ് മര്ദിച്ചത്. പാലക്കാട് സ്വദേശിയായ യുവാവിനാണ് മര്ദനമേറ്റത്. പ്രതികള്ക്ക് ക്രിമിനല് പശ്ചാത്തലമുണ്ടെന്ന് സംശയിക്കുന്നതായി പൊലീസ്. ഇന്നലെ വൈകീട്ടുണ്ടായ സംഭവത്തില് കടവന്ത്ര പൊലീസ് കേസെടുത്തു.
കടയിലെത്തിയ മൂന്നംഗ സംഘം സിഗരറ്റ് വേണമെന്ന് ആവശ്യപ്പെട്ടു. എന്നാല് ആ സമയം കടയില് ജ്യൂസ് അടിക്കുകയായിരുന്ന ജീവനക്കാരന് അതിന് ശേഷം സിഗരറ്റ് നല്കാമെന്ന് പറഞ്ഞു. പക്ഷെ അത്ര നേരം കാത്തുനില്ക്കാന് കഴിയാത്ത സംഘം കടയ്ക്ക് മുന്നില് നിന്ന അസഭ്യം പറഞ്ഞു. ഇത് ചോദ്യം ചെയ്തതിന് പിന്നാലെ മൂന്നംഗ സംഘം പ്രകോപിതരാവുകയും ജീവനക്കാരനെ ക്രൂരമായി മര്ദിക്കുകയുമായിരുന്നു.