Kerala
കൊച്ചിയില് ഐ ടി ജീവനക്കാരനായ യുവാവിനെ നടി തട്ടിക്കൊണ്ടുപോയി മര്ദ്ദിച്ച സംഭവത്തില് കൂടുതല് വിവരങ്ങള് പുറത്ത്
കൊച്ചി: കൊച്ചിയില് ഐ ടി ജീവനക്കാരനായ യുവാവിനെ തട്ടിക്കൊണ്ടുപോയി മര്ദ്ദിച്ച സംഭവത്തില് കൂടുതല് വിവരങ്ങള് പുറത്ത്. ഐ ടി ജീവനക്കാരന് ഉള്പ്പെട്ട സംഘത്തില് ഒരു തായ്ലന്ഡ് യുവതിയും ഉണ്ടായിരുന്നു.
ഈ യുവതിയോട് നടി ലക്ഷ്മി മേനോന് ഉള്പ്പെട്ട സംഘത്തിലെ ചിലര് അധികസമയം സംസാരിച്ചതാണ് തര്ക്കത്തിലേക്ക് നയിച്ചതെന്നാണ് വിവരം. തിങ്കളാഴ്ച രാത്രി നോര്ത്തിലെ ബാറില് വെച്ചുണ്ടായ തര്ക്കത്തെ തുടര്ന്നാണ് ഐ ടി ജീവനക്കാരനായ യുവാവിനെ തട്ടിക്കൊണ്ടുപ്പോയി മര്ദ്ദിച്ചത്.
പിന്നീട് ബാറിന് പുറത്തുവച്ച് തര്ക്കം രൂക്ഷമായതോടെ ഐടി ജീവനക്കാരന് ഉള്പ്പെട്ട സംഘത്തിലെ ഒരാള് ബിയര് ബോട്ടില് വലിച്ചെറിഞ്ഞു. പിന്നാലെയാണ് കാര് തടഞ്ഞുനിര്ത്തി ഐടി ജീവനക്കാരനെ തട്ടിക്കൊണ്ടുപോയത്. യുവാവിനെ വെടിമറയില് എത്തിച്ച് മര്ദ്ദിച്ച ശേഷം പറവൂര് കവലയില് ഉപേക്ഷിക്കുകയായിരുന്നു. സംഘത്തിന്റെ കാറില് ഉണ്ടായിരുന്ന ലക്ഷ്മി മേനോന് ആലുവയില് ഇറങ്ങിയശേഷമാണ് യുവാവിനെ വെടിമറയില് എത്തിച്ചു മര്ദ്ദിച്ചത്