Kerala
കേരളത്തിന് ആവശ്യം കൂട്ടായ്മയില് അധിഷ്ഠിതമായ പ്രവര്ത്തനം; നന്ദി പറഞ്ഞ് സണ്ണി ജോസഫ്
തിരുവനന്തപുരം: കൂട്ടായ്മയില് അധിഷ്ഠിതമായ പ്രവര്ത്തനമാണ് കേരളത്തിന് ആവശ്യമെന്ന് സണ്ണി ജോസഫ് എംഎല്എ. കെപിസിസി അധ്യക്ഷമായി ചുമതലയേറ്റ ചടങ്ങില് പ്രസംഗിക്കുകയായിരുന്നു സണ്ണി ജോസഫ്.
സാധാരണ കാര്ഷിക കുടുംബത്തില് നിന്നും വന്ന തന്നെ പ്രോത്സാഹിപ്പിക്കുകയും അംഗീകരിക്കുകയും ചെയ്ത ഹൈക്കമാന്ഡിനും കേരളത്തിലെ കോണ്ഗ്രസിനും നന്ദിയെന്നും സണ്ണി ജോസഫ് എംഎല്എ പറഞ്ഞു.
കൂട്ടായമയില് അധിഷ്ഠിതമായ പ്രവര്ത്തനമായിരിക്കും. ഐക്യത്തിന്റെ കണ്ണിയാണ് കോണ്ഗ്രസ്. പിണറായി സര്ക്കാരിന്റെ ദുര്ഭരണം അവസാനിപ്പിക്കണമെന്ന് ജനങ്ങള് ആഗ്രഹിക്കുന്നു. തദ്ദേശ, നിയമസഭാ തിരഞ്ഞെടുപ്പുകളില് പാര്ട്ടിയെ വിജയിപ്പിക്കും. അതിനായി ഒന്നിച്ചുനിന്ന് പോരാടും’,സണ്ണി ജോസഫ് പറഞ്ഞു.
കണ്ണൂരില് ഇപ്പോഴും അക്രമ രാഷ്ട്രീയം അരങ്ങേറുകയാണ്. അഴിമതി ആരോപണങ്ങളിലും പിണറായി വിജയന് ഉത്തരമില്ലെന്നും അദ്ദേഹം കൂട്ടിച്ചേര്ത്തു.