Kerala
കരുവന്നൂരില് നടക്കുന്നത് ഇ ഡിയുടെ രാഷ്ട്രീയവേട്ട; തെറ്റ് പറ്റിയെങ്കിൽ തിരുത്താന് മടിയില്ലെന്ന് എംഎ ബേബി
തിരുവനന്തപുരം: തൃശൂര് കരുവന്നൂര് ബാങ്ക് തട്ടിപ്പുകേസില് എന്ഫോഴ്സ്മെന്റ് ഡയറക്ടറേറ്റ് (ഇ ഡി) അന്തിമ കുറ്റപത്രം സമര്പ്പിച്ചതിനു പിന്നാലെ പ്രതികരണവുമായി സിപിഐഎം ജനറല് സെക്രട്ടറി എം എ ബേബി.
കരുവന്നൂരില് നടക്കുന്നത് ഇ ഡിയുടെ രാഷ്ട്രീയവേട്ടയാണെന്ന് എംഎ ബേബി പറഞ്ഞു. തെറ്റുണ്ടെങ്കില് തിരുത്താന് മടിയില്ലെന്നും തെറ്റ് തിരുത്തല് തുടരുമെന്നും എംഎ ബേബി പറഞ്ഞു.
കരുവന്നൂര് തെറ്റ് തിരുത്തിയോ എന്ന മാധ്യമപ്രവര്ത്തകരുടെ ചോദ്യത്തിന്, തെറ്റ് തിരുത്തല് സ്വിച്ച് ഇട്ടാല് ലൈറ്റ് കത്തുന്നത് പോലെയല്ല എന്നായിരുന്നു അദ്ദേഹത്തിന്റെ മറുപടി.