Kerala
കണ്ണൂരിൽ സീല് ചെയ്ത കടയുടെ ചില്ലുകൂട്ടില് കുടുങ്ങിപ്പോയ അങ്ങാടിക്കുരുവിക്ക് മോചനം
കണ്ണൂർ: കോടതി ഉത്തരവിനെ തുടർന്ന് സീല് ചെയ്ത കടയുടെ ചില്ലുകൂട്ടില് കുടുങ്ങിപ്പോയ അങ്ങാടിക്കുരുവിക്ക് ഒടുവില് മോചനം.
വാർത്തക്ക് പിന്നാലെ ജില്ലാ കളക്ടറുടെയും ജില്ലാ ജഡ്ജിയുടെയും നേരിട്ടുള്ള ഇടപെടലില്, കണ്ണൂർ ഉളിക്കലിലെ കടയുടെ പൂട്ട് തുറന്നു. പുറത്തിറങ്ങാൻ കഴിയാതെ രണ്ട് ദിവസമായി കുരുങ്ങിപ്പോയ കുരുവി വാനിലേക്ക് പറന്നുകന്നു.
കേസും നൂലാമാലകളും മാറി നിന്നതോടെ ജില്ലാ ജഡ്ജിയുടെ സാന്നിധ്യത്തിലാണ് കടയുടെ പൂട്ട് തുറന്ന് അങ്ങാടിക്കുരുവിയെ തുറന്നുവിട്ടത്. വ്യാപാരികള് തമ്മിലുള്ള തർക്കം കേസായപ്പോഴാണ് ഹൈക്കോടതി നിർദേശത്തില് ഉളിക്കല് ടൗണിലെ തുണിക്കട ആറ് മാസം മുൻപ് പൂട്ടി സീല് ചെയ്തത്. ഈ കടയുടെ ചില്ലുകൂടിനും ഷട്ടറിനും ഇടയിലാണ് രണ്ടു ദിവസം മുമ്പ് അങ്ങാടിക്കുരുവി പെട്ടുപോയത്.