Kerala
കണ്ണൂരില് വന് സ്ഫോടനം; വാടക വീട്ടില് ബോംബ് നിര്മാണത്തിനിടെ പൊട്ടിത്തെറി; 2 പേർ കൊല്ലപ്പെട്ടു
കണ്ണൂര്: കണ്ണപുരം കീഴറയില് വാടക വീട്ടില് വന് സ്ഫോടനം. ബോംബ് നിര്മാണത്തിനിടെയായിരിക്കാം പൊട്ടിത്തെറി നടന്നത് എന്നാണ് സൂചന.
സംഭവത്തില് രണ്ടുപേര് കൊല്ലപ്പെട്ടു. ശരീരഭാഗങ്ങള് ചിന്നിച്ചിതറിയ നിലയിലാണ് കണ്ടെത്തിയത്. വീടിന്റെ ഒരു ഭാഗം പൂര്ണമായി തകര്ന്നു. അടുത്ത വീടുകള്ക്കും കേടുപാടുണ്ടായിട്ടുണ്ട്. ബോംബ് സ്ക്വാഡ് എത്തി പരിശോധന ആരംഭിച്ചു.
ഇന്ന് പുലര്ച്ചെ രണ്ട് മണിയോടെയായിരുന്നു സംഭവം. കീഴറയിലെ റിട്ട. അധ്യാപകന്റെ ഉടമസ്ഥതയിലുള്ള വാടക വീട്ടിലാണ് സ്ഫോടനം ഉണ്ടായത്. എന്നാല് കൊല്ലപ്പെട്ടത് ആരാണ് എന്ന കാര്യത്തില് വ്യക്തതയില്ല. കണ്ണപുരം പൊലീസും അഗ്നിരക്ഷാ സേനയും സ്ഥലത്തെത്തിയിട്ടുണ്ട്.