Kerala
കണ്ടല സഹകരണ ബാങ്ക് തട്ടിപ്പ്; ഭാസുരാംഗന് ജാമ്യം
കൊച്ചി: കണ്ടല സഹകരണ ബാങ്ക് തട്ടിപ്പുകേസില് ബാങ്ക് മുന് പ്രസിഡന്റും സിപിഐ മുന് നേതാവുമായ എന് ഭാസുരാംഗന് വ്യവസ്ഥകളോടെ ജാമ്യം. ക്രൈംബ്രാഞ്ച് രജിസ്റ്റര് ചെയ്ത തട്ടിപ്പുകേസില് സുപ്രീംകോടതിയാണ് മുന്കൂര് ജാമ്യം അനുവദിച്ചത്.
കണ്ടല ബാങ്ക് ക്രമക്കേടുമായി ബന്ധപ്പെട്ട് എന്ഫോഴ്സ്മെന്റ് ഡയറക്ട്രേറ്റ് രജിസ്റ്റര് ചെയ്ത കേസില് ഭാസുരാംഗന് ഹൈക്കോടതി കഴിഞ്ഞ മാസം ജാമ്യം അനുവദിച്ചിരുന്നു. ഈ സാഹചര്യത്തില് കേരള പൊലീസ് രജിസ്റ്റര് ചെയ്ത കേസില് മുന്കൂര്ജാമ്യം അനുവദിക്കണമെന്ന് ഭാസുരാംഗന് വേണ്ടി ഹാജരായ സീനിയര് അഭിഭാഷകന് ആര് ബസന്ത് സുപ്രീംകോടതിയില് ആവശ്യപ്പെടുകയായിരുന്നു.