Kerala
മൂന്നു വയസുകാരിയുടെ കൊലപാതകം, പീഡന വിവരം അമ്മയ്ക്ക് അറിയാമായിരുന്നോ എന്ന് അന്വേഷിക്കും
കൊച്ചി: തിരുവാങ്കുളത്ത് അമ്മ പുഴയില് എറിഞ്ഞു കൊലപ്പെടുത്തിയ നാലുവയസ്സുകാരിയുടെ മരണത്തില് കൂടുതല് ഞെട്ടിക്കുന്ന വിവരങ്ങള് പുറത്ത്. നാലുവയസ്സുകാരി പീഡനത്തിനിരയായി എന്ന് പോസ്റ്റ്മോര്ട്ടം റിപ്പോര്ട്ടില് വ്യക്തമാക്കുന്നു.
പോസ്റ്റുമോര്ട്ടം റിപ്പോര്ട്ട് ലഭിച്ചതിനെത്തുടര്ന്ന് കുട്ടിയുമായി ഏറ്റവും അടുത്ത ബന്ധം പുലര്ത്തിയിരുന്ന അച്ഛന്റെ മൂന്ന് ബന്ധുക്കളെ പൊലീസ് ചോദ്യം ചെയ്തിരുന്നു.എന്നാല് രണ്ടുപേരെ പൊലീസ് വിട്ടയക്കുകയായിരുന്നു. ഇതിലൊരാളെ കസ്റ്റഡിയിലെടുക്കുകയും ചെയ്തു. പീഡനവുമായി ബന്ധപ്പെട്ടാണോ കൊലപാതകം നടത്തിയതെന്നാണ് പൊലീസ് ഇപ്പോള് പ്രധാനമായും അന്വേഷിക്കുന്നത്.
പീഡന വിവരം അമ്മയ്ക്ക് അറിയാമായിരുന്നോ എന്നും പോലിസ് അന്വേഷിക്കുന്നുണ്ട്. അമ്മ സന്ധ്യയെ പൊലീസ് ഉടൻ കസ്റ്റഡിയിൽ വാങ്ങും.കസ്റ്റഡിയിലെടുത്ത ബന്ധുവിന്റെ സ്റ്റേഷന് പരിധി പുത്തന്കുരിശ് ആയതിനാല് പോക്സോ കേസ് ചെങ്ങമനാട് പൊലീസ് പുത്തന്കുരിശ് പൊലീസിന് കൈമാറി.