Kerala
പേരാവൂരിലേക്ക് മാറ്റിയത് ഒതുക്കാനാണ് എന്നുള്ളത് വ്യാജ പ്രചാരണം; കെ കെ ശൈലജ
കണ്ണൂർ: പേരാവൂരിൽ ഇത്തവണ ഞങ്ങൾ വിജയിക്കുമെന്ന് സിപിഎം നേതാവ് കെ കെ ശൈലജ ടീച്ചർ.
ആത്മവിശ്വാസമുണ്ട്, പേരാവൂരിൽ നല്ല പോരാട്ടമാണെങ്കിലും ജയം എനിക്ക് തന്നെ ആകുമെന്ന് ശൈലജ പറഞ്ഞു. എന്റെ വ്യക്തിപരമായ തീരുമാനം അല്ല പേരാവൂരിൽ മത്സരിക്കുക എന്നത്. പാര്ട്ടി തീരുമാനം ആയിരുന്നു. ഞാൻ അതിനോടൊപ്പം നിന്നു.
പാര്ട്ടി എന്നത് എല്ലാവരും ചേര്ന്നതാണ്. പേരാവൂരിലേക്ക് മാറ്റിയത് ഒതുക്കാനാണ് എന്നുള്ളത് വ്യാജ പ്രചാരണമാണെന്നും ശൈലജ ടീച്ചര് പറഞ്ഞു. മണ്ഡലത്തിന്റെ ഘടന മാറിയപ്പോഴാണ് യുഡിഎഫ് വിജയിക്കുന്നത്. അന്നും വലിയ വിജയമല്ല യുഡിഎഫിന് ലഭിച്ചത്. ആ ഭൂരികപക്ഷം മറികടക്കാൻ ഇക്കുറി എല്ഡിഎഫിന് കഴിയുമെന്നും ശൈലജ ടീച്ചര് വ്യക്തമാക്കി.