Kerala
പാർട്ടി വിരുദ്ധ പ്രവർത്തനം; ജെഎസ്എസ് സംസ്ഥാന പ്രസിഡന്റ് പ്രൊഫ. എ വി താമരാക്ഷനെ പാര്ട്ടിയില് നിന്നും പുറത്താക്കി
കൊച്ചി: പാര്ട്ടി വിരുദ്ധ പ്രവര്ത്തനത്തിന്റെ പേരില് ജെഎസ്എസ് സംസ്ഥാന പ്രസിഡന്റ് പ്രൊഫ. എ വി താമരാക്ഷനെ പാര്ട്ടിയില് നിന്നും പുറത്താക്കിയതായി സംസ്ഥാന ജനറല് സെക്രട്ടറി രാജന് ബാബു അറിയിച്ചു.
കൊച്ചിയില് ചേര്ന്ന സംസ്ഥാന കമ്മിറ്റിയാണ് അച്ചടക്ക നടപടിക്ക് വിധേയമായി സസ്പെന്ഷനിലായിരുന്ന പാര്ട്ടി സെന്റര് അംഗങ്ങളായ വിനോദ് വയനാട്, കെ പി സുരേന്ദ്രന് കുട്ടനാട്, സംസ്ഥാന സെക്രട്ടറിമാരായ ബാലരാമപുരം സുരേന്ദ്രന്, മലയന്കീഴ് നന്ദകുമാര് എന്നിവര്ക്കൊപ്പം എ വി താമരാക്ഷനെയും പുറത്താക്കിയത്.
തിരുവനന്തപുരം, കോഴിക്കോട്, വയനാട് ജില്ലാ കമ്മിറ്റികളെ പിരിച്ചുവിട്ട് അഡ്ഹോക്ക് കമ്മിറ്റിക്ക് ചുമതല നല്കിയതായി സംസ്ഥാന ജനറല് സെക്രട്ടറി അഡ്വ. എ എന് രാജന് ബാബു അറിയിച്ചു.