India
ഭീമ കൊറേഗാവ്-എല്ഗാര് പരിഷത്ത് കേസില് ഡോ. ഹാനി ബാബുവിന് ജാമ്യം
മുംബൈ: ഭീമ കൊറേഗാവ്-എല്ഗാര് പരിഷത്ത് കേസില് ഡോ. ഹാനി ബാബുവിന് ജാമ്യം. ബോംബൈ ഹൈക്കോടതിയാണ് ഡൽഹി സർവകലാശാലയിലെ മുൻ അസോസിയേറ്റ് പ്രൊഫസറായ ഹാനി ബാബുവിന് ജാമ്യം അനുവദിച്ചിരിക്കുന്നത്.
അഞ്ച് വർഷത്തിലേറെയായി വിചാരാണ കൂടാതെ തടവില് കഴിഞ്ഞ് വരുന്നത് അടക്കമുള്ള കാര്യങ്ങള് ചൂണ്ടിക്കാട്ടി അദ്ദേഹം ജാമ്യത്തിനായി കോടതിയെ സമീപിക്കുകയായിരുന്നു.
നിലവില് നവി മുംബൈയിലെ തലോജ സെന്ട്രല് ജയിലില് കഴിഞ്ഞ വരുന്ന അദ്ദേഹത്തിന് ചികിത്സ നിഷേധിച്ചുവെന്നത് അടക്കമുള്ള ആരോപണങ്ങള് കുടുംബവും അഭിഭാഷകരും ഉയർത്തിയിരുന്നു. 2021 ല് ഹാനി ബാബുവിന്റെ കണ്ണില് കടുത്ത അണുബാധയുണ്ടാകുകയും ക്രമേണ കാഴ്ച നഷ്ടമാകുന്ന അവസ്ഥയുമുണ്ടായി. ഈ സാഹചര്യത്തില് നിരന്തരം ആവശ്യപ്പെട്ടിട്ടും അധികാരികള് വൈദ്യചികിത്സ നിഷേധിച്ചുവെന്നാണ് പരാതി.