Kerala
ഗൂഗിള് മാപ്പിട്ട് ആശുപത്രിയിലേക്ക്, ചെന്നെത്തിയത് കാട്ടില്
കണ്ണൂര്: ഗൂഗിള് മാപ്പിട്ട് ആശുപത്രിയിലേക്ക് പോയ സംഘത്തിന്റെ വാഹനം എത്തിയത് കാട്ടില്. ഒടുവില് വിവരം അറിഞ്ഞെത്തിയ അഗ്നിരക്ഷാ സേനയാണ് കാട്ടില് കുടുങ്ങിയ സംഘത്തിന് രക്ഷയായത്.
തൃശൂര് സ്വദേശിയായ അലന് വര്ഗീസിന്റെ വാഹനമാണ് കാട്ടില് കുടുങ്ങിയത്. ജോലി സംബന്ധമായ ആവശ്യത്തിന് കണ്ണൂരിലെത്തിയ സംഘത്തിലെ ഒരാള്ക്ക് സുഖമില്ലാതാകുകയായിരുന്നു.
കണ്ണപുരം ഭാഗത്തുനിന്ന് പരിയാരം ഗവ മെഡിക്കല് കോളജ് ആശുപത്രിയിലേക്ക് പോകാന് ഗൂഗിള് മാപ്പിന്റെ സഹായം തേടി.
കാടുനിറഞ്ഞ് ഇടുങ്ങിയ, വാഹനങ്ങള് കടന്നുപോകാന് കഴിയാത്ത കുഞ്ഞന്ചാല് ഭാഗത്തു കൂടിയുള്ള വഴിയാണ് ഗൂഗിള് മാപ്പ് കാണിച്ചത്.