Kerala
സംസ്ഥാനത്ത് സ്വർണവിലയിൽ വൻ ഇടിവ്
രണ്ട് ദിവസമായി ഉയർന്ന് നിന്ന സ്വർണവില ഇന്ന് ഇടിഞ്ഞു താഴ്ന്നു. ഇന്നലെ ഒരു പവന് 92,280 രൂപ വിലയുണ്ടായിരുന്ന സ്വർണം ഇന്ന് പവന് 520 രൂപ കുറഞ്ഞ് 91,760 രൂപയായി.
ഒരു ഗ്രാമിന് 65 വച്ചാണ് കുറഞ്ഞത്. ഇന്നലെ 11,535 രൂപയുണ്ടായിരുന്ന ഒരു ഗ്രാമിന്റെ വില 11,470 രൂപയായും കുറഞ്ഞിട്ടുണ്ട്.
തുടർച്ചയായി കുതിച്ചു കയറിക്കൊണ്ടിരുന്ന സ്വർണവില താഴേക്ക് ഇറങ്ങുന്നത് വിവാഹ ആവശ്യങ്ങൾക്ക് ആഭരണം വാങ്ങാൻ ഇരിക്കുന്നവർക്ക് അടക്കം ആശ്വാസം നൽകുന്നതാണ്.
അതേ സമയം വൈകുന്നേരം വില വർദ്ധിക്കുമോ എന്ന ആശങ്കയും നിലനിൽക്കുന്നുണ്ട്.