Kerala
സംസ്ഥാനത്ത് സ്വര്ണവില വീണ്ടും കൂടി
കൊച്ചി: സംസ്ഥാനത്ത് സ്വര്ണവില വീണ്ടും കൂടി. പവന് 360 രൂപയാണ് വര്ധിച്ചത്. 1,17,280 രൂപയാണ് ഒരു പവന് സ്വര്ണത്തിന്റെ വില. ഗ്രാമിന് ആനുപാതികമായി 45 രൂപയാണ് കൂടിയത്. 14,660 രൂപയാണ് ഒരു ഗ്രാം സ്വര്ണത്തിന്റെ വില. ഇന്നലെ രണ്ടു തവണയായി 1760 രൂപയാണ് വര്ധിച്ചത്.
ആഗോള വിപണിയില് എണ്ണവില താഴ്ന്നതാണ് സ്വര്ണവിലയെ സ്വാധീനിച്ചത്. നിലവില് ഇന്ത്യ മുഖ്യമായി ആശ്രയിക്കുന്ന ബ്രെന്ഡ് ക്രൂഡിന്റെ വില ബാരലിന് 105 ഡോളറായാണ് താഴ്ന്നത്.
പശ്ചിമേഷ്യന് സംഘര്ഷത്തിന് അയവ് വരുത്തി അമേരിക്കയും ഇറാനും ഉടന് തന്നെ സമാധാന കരാറില് എത്തിച്ചേരുമെന്ന പ്രതീക്ഷയാണ് എണ്ണവില കുറയാന് കാരണം.