Kerala
സ്വര്ണവില വീണ്ടും 75,000 കടന്നു, റെക്കോര്ഡ് ഉയരത്തില്
കൊച്ചി: സംസ്ഥാനത്ത് സ്വര്ണവില വീണ്ടും 75000 കടന്നു. ഇന്ന് പവന് 80 രൂപ വര്ധിച്ചതോടെ ജൂലൈ 23ന് രേഖപ്പെടുത്തിയ സര്വകാല റെക്കോര്ഡ് ആയ 75,040ലേക്കാണ് സ്വര്ണവില ഉയര്ന്നത്. ഗ്രാമിന് പത്തു രൂപയാണ് വര്ധിച്ചത്. 9380 രൂപയാണ് ഒരു ഗ്രാം സ്വര്ണത്തിന്റെ വില.
കഴിഞ്ഞ മാസം 23ന് 75000 കടന്ന് റെക്കോര്ഡ് ഇട്ട സ്വര്ണവില പിന്നീടുള്ള ദിവസങ്ങളില് താഴുന്ന കാഴ്ചയാണ് ദൃശ്യമായത്. 74000ല് താഴെ പോയ സ്വര്ണവില കഴിഞ്ഞ ദിവസം മുതലാണ് വീണ്ടും ഉയരാന് തുടങ്ങിയത്.
ഓഗസ്റ്റ് ഒന്നിന് 73,200 രൂപയായിരുന്നു സ്വര്ണവില. അഞ്ചു ദിവസത്തിനിടെ 1800 രൂപയിലധികമാണ് ഉയര്ന്നത്.