Kerala
സംസ്ഥാനത്ത് സ്വര്ണവില വീണ്ടും സര്വകാല റെക്കോര്ഡിലേക്ക്
കൊച്ചി: സംസ്ഥാനത്ത് സ്വര്ണവില വീണ്ടും സര്വകാല റെക്കോര്ഡിലെത്തി.
പവന് ഒറ്റയടിക്ക് 640 രൂപ കൂടിയതോടെ ഒരു പവന് സ്വര്ണത്തിന്റെ ഇന്നത്തെ വില 82,080 രൂപയിലെത്തി. ഗ്രാമിന് ആനുപാതികയായി 80 രൂപയാണ് കൂടിയത്. ഒരു ഗ്രാം സ്വര്ണത്തിന്റെ ഇന്നത്തെ വില 10,260 രൂപയാണ്.
വെള്ളിയാഴ്ച 81,600 രൂപയായി ഉയര്ന്ന് ചരിത്രത്തിലെ ഏറ്റവും ഉയര്ന്ന നിലയില് എത്തിയ സ്വര്ണവില ശനിയാഴ്ച 80 രൂപ കുറഞ്ഞിരുന്നു. ഈ മാസാദ്യം 77,640 രൂപയായിരുന്നു സ്വര്ണവില.
ഈ മാസത്തെ ഏറ്റവും കുറഞ്ഞ വിലയും ഇതായിരുന്നു. പിന്നീട് ഓരോ ദിവസവും വില കൂടുന്നതാണ് ദൃശ്യമായത്. രാജ്യാന്തര വിപണിയിലെ സ്വര്ണ വിലയുടെ വര്ധനയാണ് വിലയില് പ്രതിഫലിച്ചത്.