Kerala
വനം വകുപ്പ് ഉദ്യോഗസ്ഥർ ക്രൂരമായി മർദ്ദിച്ചെന്ന് പരാതി
നിലമ്പൂര്: വനം വകുപ്പ് ഉദ്യോഗസ്ഥര് ക്രൂരമായി മര്ദ്ദിച്ചതായി പൊതുപ്രവര്ത്തകന്റെ പരാതി. നിലമ്പൂര് അകമ്പാടം സ്വദേശി ബൈജു ആന്ഡ്രൂസാണ് പരാതിക്കാരന്.
വനം വകുപ്പ് ഉദ്യോഗസ്ഥര് പ്രതി ചേര്ത്ത് ക്രൂരമായി മര്ദ്ദിച്ചെന്നാണ് പരാതി. 2020ലാണ് സംഭവം. കാര്യം എന്തെന്ന് പോലും പറയാതെ നാലഞ്ചുപേര് വളഞ്ഞിട്ട് തല്ലിയെന്നും കെട്ടിയിട്ട് മര്ദ്ദിച്ചെന്നും ബൈജു പറഞ്ഞു.
മര്ദ്ദനമേറ്റതില് പിന്നെ നിത്യരോഗിയായെന്നും അദ്ദേഹം വ്യക്തമാക്കി. കോവിഡ് കാലമായതുകൊണ്ട് കോടതി ഓണ്ലൈന് ആയിരുന്നുവെന്നും പേടികൊണ്ട് മര്ദ്ദിച്ചത് കോടതിയില് പറഞ്ഞില്ലെന്നും ബൈജു കൂട്ടിച്ചേര്ത്തു.
കുന്നംകുളത്തെ സംഭവമാണ് തുറന്നു പറയാന് ധൈര്യം തന്നത്. മര്ദ്ദനത്തിനെതിരെ മുഖ്യമന്ത്രിക്കും വനം മന്ത്രിക്കും പരാതി നല്കുമെന്ന് ബൈജു വ്യക്തമാക്കി.