Kerala
തിരുവനന്തപുരത്ത് സ്കൂളില് തീപിടിത്തം; മൂന്ന് ബസുകള് പൂര്ണമായും കത്തിനശിച്ചു
തിരുവനന്തപുരം: തിരുവനന്തപുരത്ത് സ്കൂളില് തീപിടിത്തം. ചെങ്കോട്ടുകോണത്ത് പ്രവര്ത്തിക്കുന്ന തുണ്ടത്തില് ട്രിവാന്ഡ്രം സ്കോട്ടിഷ് സ്കൂളിലാണ് തീപിടിത്തമുണ്ടായത്. മൂന്ന് ബസുകള് പൂര്ണമായും കത്തിനശിച്ചു. ഒരു ബസ് ഭാഗികമായും കത്തിനശിച്ചു.
ഇന്ന് പുലര്ച്ചെ 2.45 ഓടെയാണ് സംഭവം നടന്നത്. പ്രദേശവാസികളാണ് ബസ് കത്തുന്നത് ആദ്യം കണ്ടത്. തുടര്ന്ന് ഫയര്ഫോഴ്സിനെ വിവരം അറിയിക്കുകയായിരുന്നു. ഉടന് തന്നെ കഴക്കൂട്ടം, ചാക്ക ഭാഗത്തുനിന്നുള്ള ഫയര്ഫോഴ്സ് സംഘം സ്ഥലത്തെത്തി. മണിക്കൂറുകളെടുത്താണ് തീയണച്ചത്.