Kerala
പിതാവിന്റെ കൈയില് നിന്ന് താഴേക്ക് വീണ് നാലുവയസുകാരന് മരണം
തിരുവനന്തപുരം പാറശാല പരശുവയ്ക്കലില് പിതാവിന്റെ കൈയില് നിന്ന് താഴേക്കുവീണ നാലുവയസുകാരന് മരണം.
പരശുവയ്ക്കല് പനയറക്കല് സ്വദേശികളായ രജിന് – ധന്യാ ദമ്പതികളുടെ ഏക മകനായ ഇമാനാണ് മരിച്ചത്. തലയ്ക്കേറ്റ ഗുരുതര പരുക്കിനെ തുടര്ന്നാണ് കുട്ടി മരിച്ചതെന്ന് ഡോക്ടേഴ്സ് അറിയിച്ചു.
കഴിഞ്ഞ ദിവസമാണ് ദാരുണമായ സംഭവമുണ്ടായത്. നഴ്സറിയിലേക്ക് കൊണ്ടുപോകാനായി കുട്ടിയെ എടുത്തുകൊണ്ട് നടക്കുന്നതിനിടെ കുട്ടിയുടെ കളിപ്പാട്ടത്തില് ചവിട്ടി പിതാവ് കാല്വഴുതി വീഴുകയായിരുന്നു. കുട്ടി ഇയാളുടെ കൈയില് നിന്ന് താഴേക്ക് തെറിച്ചുവീണു. തലയടിച്ചാണ് കുട്ടി വീണത്.