Kerala
പറവൂരില് വി ഡി സതീശനെതിരെ ഇ ടി ടൈസണ്
കൊച്ചി: പറവൂരില് വി ഡി സതീശനെതിരെ ഇ ടി ടൈസണ് രംഗത്തിറിങ്ങും. ഇത് സംബന്ധിച്ച് സിപിഐ സംസ്ഥാന എക്സിക്യൂട്ടീവില് ധാരണയായി. നിലവില് കയ്പമംഗലം എംഎല്എയാണ് ഇ ടി ടൈസണ്. രണ്ട് ടേമിന് ശേഷമാണ് ഇ ടി ടൈസണ് പറവൂരില് എത്തുന്നത്.
ജില്ലാ നേതൃത്വം തയ്യാറാക്കിയ സാധ്യതാ പട്ടികയില് ഇ ടി ടൈസണിന്റെ പേര് ഉണ്ടായിരുന്നില്ല. എറണാകുളം സിപിഐ മുന് ജില്ലാ സെക്രട്ടറി കെ എം ദിനകരന്, സംസ്ഥാന കൗണ്സില് അംഗം കമലാ സദാനന്ദന്, ജില്ലാ കൗണ്സില് അംഗം കെ ബി അറുമുഖന് എന്നിവരുടെ പേരുകളായിരുന്നു പട്ടികയില് ഉണ്ടായികുന്നത്. സാധ്യതാ പട്ടിക ജില്ലാ നേതൃത്വം സംസ്ഥാന നേതൃത്വത്തിന് കൈമാറുകയും ചെയ്തിരുന്നു. ഇതിനിടെ എഐവൈഎഫ് നേതാവ് ബിബിന് ദിനകരനെ പരിഗണിക്കണമെന്ന അഭിപ്രായവും ഉയര്ന്നിരുന്നു. എന്നാല് ഇതെല്ലാം തള്ളിയാണ് ഇ ടി ടൈസണിലേക്ക് സിപിഐ എത്തിയത്. സതീശനെതിരെ ടൈസണിന് മികച്ച പ്രകടനം കാഴ്ചവെയ്ക്കാന് സാധിക്കുമെന്നാണ് സിപിഐ പ്രതീക്ഷിക്കുന്നത്.