Kerala
വയനാട്ടിൽ വീണ്ടും കാട്ടാന ആക്രമണം, ഒരാൾ മരിച്ചു
കല്പ്പറ്റ: വയനാട്ടില് കാട്ടാന ആക്രമണത്തില് വീണ്ടും മരണം. പൂളക്കൊല്ലി സ്വദേശി അറുമുഖൻ ആണ് മരിച്ചത്. എരുമക്കൊല്ലിയില് വെച്ചുണ്ടായ കാട്ടാനയുടെ ആക്രമണത്തില് കൊല്ലപ്പെടുകയായിരുന്നു.
കാട്ടാനയുടെ സാന്നിധ്യമുള്ള പ്രദേശമാണ് എരുമക്കൊല്ലി. ഇവിടെ വെച്ചാണ് കാട്ടാന ആക്രമിച്ചത്. സംഭവസ്ഥലത്തുവെച്ചുതന്നെ അറുമുഖൻ മരിച്ചു.
മൃതദേഹം പുറത്തെത്തിക്കാനുള്ള ശ്രമത്തിലാണ് വനംവകുപ്പ് ഉദ്യോഗസ്ഥരും പൊലീസും. സംസ്ഥാനത്ത് കാട്ടാനയുടെ ആക്രമണത്തില് മരണം വർധിച്ചുവരികയാണ്. നേരത്തേയും എരുമക്കൊല്ലിയിലും മറ്റു ഭാഗങ്ങളിലും കാട്ടാനയുടെ ആക്രമണത്തില് ആളുകള് കൊല്ലപ്പെട്ടിരുന്നു.