Kerala
മാരക രാസലഹരിക്കടത്ത്; കൊച്ചിയില് ആഫ്രിക്കന് വനിത പിടിയില്
കൊച്ചി: മാരക രാസലഹരിയുമായി നെടുമ്പാശ്ശേരി വിമാനത്താവളത്തില് വിദേശ വനിത പിടിയില്. ടോഗോ സ്വദേശിനിയായ ലറ്റി ഫെറ്റാവോ ആണ് അറസ്റ്റിലായത്. ദോഹയില് നിന്നാണ് ഇവര് കൊച്ചിയില് എത്തിയത്. ഇന്ന് പുലര്ച്ചെ നടന്ന പരിശോധനയിലാണ് പിടിയിലായത്.
നാല് കിലോ മെത്താക്യുലോണ് ആണ് അധികൃതര് പിടികൂടിയത്. ദോഹയില് നിന്ന് കൊച്ചിയില് എത്തി, ഡല്ഹിയിലേക്ക് പോകാനായി ആഭ്യന്തര ടെര്മിനലില് കാത്തിരിക്കുകയായിരുന്നു. ഈ സമയം ഇവരുടെ ബാഗ് പരിശോധിച്ചപ്പോഴാണ് ലഹരിമരുന്ന് കണ്ടെത്തിയത്.