Kerala
മലയാളി കന്യാസ്ത്രീകളെ അറസ്റ്റ് ചെയ്തതില് ബിജെപിക്കെതിരെ രൂക്ഷവിമര്ശനവുമായി കത്തോലിക്ക സഭയുടെ മുഖപത്രം ദീപികയുടെ എഡിറ്റോറിയൽ
കൊച്ചി: ഛത്തീസ്ഗഡില് മതപരിവര്ത്തനം ആരോപിച്ച് മലയാളി കന്യാസ്ത്രീകളെ അറസ്റ്റ് ചെയ്തതില് ബിജെപിക്കെതിരെ രൂക്ഷവിമര്ശനവുമായി കത്തോലിക്ക സഭയുടെ മുഖപത്രം ദീപികയുടെ എഡിറ്റോറിയൽ.
ന്യൂനപക്ഷങ്ങള് കേരളത്തിലൊഴിച്ച് എല്ലായിടത്തും അരക്ഷിതാവസ്ഥയിലാണ്. ഛത്തീസ്ഗഡിലും ഒറീയിലുമടക്കം കന്യാസ്ത്രീകള്ക്ക് കുറ്റപത്രവും കേരളത്തില് പ്രശംസാപത്രവും നല്കുന്ന രാഷ്ട്രീയം മതേതരസമൂഹം തിരിച്ചറിയുന്നുണ്ട്. ബിജെപിയുടെ വാക്കും പ്രവൃത്തിയും പൊരുത്തത്തിലല്ലെന്ന് കേരളഘടകത്തെ സ്നേഹപൂര്വം ഓര്മിപ്പിക്കുന്നുവെന്നും എഡിറ്റോറിയല് നിലപാട് വ്യക്തമാക്കി.
‘കന്യാസ്ത്രീകളല്ല ബന്ദി, മതേതര ഭരണഘടന’ എന്ന തലക്കെട്ടോടെയാണ് എഡിറ്റോറിയല്. ബിജെപി അധികാരത്തിലെത്തിയ 2014 മുതല് 2024 വരെ ക്രൈസ്തവര്ക്കെതിരെ 4316 അക്രമസംഭവങ്ങള് ഉണ്ടായതായാണ് യുണൈറ്റഡ് ക്രിസ്ത്യന് ഫോറത്തിന്റെ റിപ്പോര്ട്ട് എന്നും മുഖപ്രസംഗത്തില് ചൂണ്ടിക്കാട്ടി.