Kerala
തിരുവല്ലയിൽ ചങ്ങാടം മറിഞ്ഞ് അപകടം; യുവാവ് മരിച്ചു
തിരുവല്ല: ചങ്ങാടം മറിഞ്ഞ് യുവാവ് മരിച്ചു. വളഞ്ഞവട്ടം കിഴക്കേവീട്ടില് മോഹനന് പിള്ളയുടെ മകന് രതീഷ് കുമാര് (രമേശ് – 26) ആണ് മരിച്ചത്.
പുളിക്കീഴ് ഉപദേശിക്കടവ് പാലത്തിന് സമീപം അച്ചന്കോവിലാറിൽ തിങ്കളാഴ്ച വൈകിട്ട് 3.45-നായിരുന്നു അപകടം. സുഹൃത്തുക്കളായ സന്ദീപ്, റോഷന്, അജിത്ത് എന്നിവരും മറിഞ്ഞ ചങ്ങാടത്തില് ഉണ്ടായിരുന്നു. മൂവരും നീന്തി രക്ഷപ്പെട്ടു. പത്രവിതരണം നടത്തുന്ന ജോലിയായിരുന്നു രമേശിന്.
തിരുവല്ലയില് നിന്നെത്തിയ അഗ്നിരക്ഷാസേനയിലെ മുങ്ങല് വിദഗ്ദ്ധര് നടത്തിയ തിരച്ചിലില് രാത്രി എട്ടു മണിയോടെ പരുമല ഭാഗത്തുനിന്നാണ് മൃതദേഹം കണ്ടെത്തിയത്. ഉഷയാണ് മാതാവ്. സഹോദരി രേഷ്മ. സംസ്കാരം പിന്നീട്