Kerala
യുവതിയുടെ ആത്മഹത്യ; യൂത്ത് കോണ്ഗ്രസ് സംസ്ഥാന സെക്രട്ടറി അറസ്റ്റില്
പത്തനംതിട്ട: സ്വകാര്യ സ്കൂളില് റിസപ്ഷനിസ്റ്റായിരുന്ന യുവതി ജീവനൊടുക്കിയ സംഭവത്തില് ഇതേ സ്കൂളിലെ പിആര്ഒ ആയ യൂത്ത് കോണ്ഗ്രസ് സംസ്ഥാന സെക്രട്ടറി മുഹമ്മദ് സുഹൈല് അന്സാരി അറസ്റ്റില്. പത്തനംതിട്ട ഏനാത്ത് പൊലീസാണ് മുഹമ്മദ് സുഹൈല് അന്സാരിയെ അറസ്റ്റ് ചെയ്തത്. യുവതി എഴുതിയെന്ന് കരുതുന്ന മൂന്ന് ആത്മഹത്യാ കുറിപ്പുകളില് ഒന്നില് സുഹൈലിനെതിരേ ഗുരുതര പരാമര്ശം ഉണ്ടായിരുന്നു.
ഈ മാസം പതിനാലിന് പുലര്ച്ചെയാണ് പാണ്ടിമലപ്പുറം പറമലയിലുള്ള വീട്ടില് യുവതിയെ തൂങ്ങി മരിച്ച നിലയില് കാണപ്പെട്ടത്. ശരീരത്ത് മര്ദനമേറ്റ പാടുകളും ഉണ്ടായിരുന്നു. മുഹമ്മദ് സുഹൈല് അന്സാരിയും യുവതിയും തമ്മില് സുഹൃത്തുക്കളായിരുന്നു. ഇരുവരും തമ്മിലുള്ള സുഹൃദ് ബന്ധം യുവതിയുടെ ഭര്ത്താവ് അറിയുകയും ഇത് തര്ക്കത്തില് കലാശിക്കുകയും ചെയ്തിരുന്നു. ഇതിന് പിന്നാലെയായിരുന്നു യുവതി ജീവനൊടുക്കിയത്.