India
ബന്ധുവിന്റെ വിവാഹ ചടങ്ങിൽ ഡാൻസ് കളിക്കുന്നതിനിടെ യുവതിക്ക് ദാരുണാന്ത്യം
ബന്ധുവിന്റെ വിവാഹ ചടങ്ങിൽ ഡാൻസ് കളിക്കുന്നതിനിടെ യുവതി കുഴഞ്ഞു വീണ് മരിച്ചു. മദ്ധ്യപ്രദേശിലെ വിധിഷ ജില്ലയിലാണ് സംഭവം നടന്നത്. ഇതിന്റെ ദൃശ്യങ്ങൾ സോഷ്യൽ മീഡിയയിൽ പ്രചരിക്കുന്നുണ്ട്. പരിനീത എന്ന യുവതിയാണ് മരിച്ചത്.
അടുത്ത ബന്ധുവിന്റെ വിവാഹ ആഘോഷ ചടങ്ങിൽ പങ്കെടുക്കാനായി ഇൻഡോറിൽ നിന്ന് പരിനീത എത്തുകയായിരുന്നു. വിവാഹത്തിന്റെ തലേ ദിവസമുള്ള ആഘോഷങ്ങൾക്കിടെ നടന്ന പരിപാടിയിൽ ഡാൻസ് കളിക്കാനായി വേദിയിൽ കയറുകയായിരുന്നു.
ഡാൻസ് കളിക്കുന്നതിനിടെ പെട്ടെന്ന് ബുദ്ധിമുട്ട് ഉണ്ടാകുകയും സെക്കന്റുകൾക്കുള്ളിൽ വീഴുകയും ചെയ്തു. ആശുപത്രിയിൽ എത്തിച്ചെങ്കിലും ജീവൻ രക്ഷിക്കാൻ കഴിഞ്ഞില്ല. അതേ സമയം ഈ നൃത്തം നിരവധിപ്പേർ ചിത്രീകരിക്കുന്നുണ്ടായിരുന്നു.