Kerala
അമ്മയും കുഞ്ഞും വീട്ടില് മരിച്ച നിലയില്
തൃശൂര്: അടാട്ട് അമ്പലംകാവില് അമ്മയെയും കുഞ്ഞിനെയും വീട്ടില് ദുരൂഹ സാഹചര്യത്തില് മരിച്ച നിലയില് കണ്ടെത്തി. ശില്പ (30), അക്ഷയ്ജിത്ത്(5) എന്നിവരാണ് മരിച്ചത്. ശില്പയെ തൂങ്ങി മരിച്ച നിലയിലും കുഞ്ഞിനെ കട്ടിലില് കമിഴ്ന്ന് മരിച്ചുകിടക്കുന്ന നിലയിലുമാണ് കണ്ടെത്തിയത്.
കുഞ്ഞിനെ കൊലപ്പെടുത്തിയ ശേഷം ശില്പ ജീവനൊടുക്കിയതായാണ് കരുതുന്നത്. സംഭവം നടക്കുമ്പോള് യുവതിയുടെ ഭര്ത്താവും അമ്മയും വീട്ടില് ഉണ്ടായിരുന്നു. പനിയെ തുടര്ന്ന് ഇന്നലെ രാത്രി ശില്പയുടെ ഭര്ത്താവ് മറ്റൊരു മുറിയിലായിരുന്നു കിടന്നിരുന്നത്. രാവിലെ വാതില് തുറക്കാത്തതിനെ തുടര്ന്ന് പരിശോധിച്ചപ്പോഴാണ് ശില്പയെയും കുഞ്ഞിനെയും മരിച്ച നിലയില് കണ്ടെത്തിയത്. സമീപവാസികള് അറിയിച്ചതിനെ തുടര്ന്ന് പൊലീസ് സ്ഥലത്തെത്തി പരിശോധന നടത്തി. സംഭവത്തില് കേസ് രജിസ്റ്റര് ചെയ്യും.