Kerala
വീട്ടില് തനിച്ചു താമസിച്ചിരുന്ന സ്ത്രീയെ കിടപ്പുമുറിയില് മരിച്ച നിലയില് കണ്ടെത്തി
വീട്ടില് തനിച്ചു താമസിച്ചിരുന്ന സ്ത്രീയെ കിടപ്പുമുറിയില് മരിച്ച നിലയില് കണ്ടെത്തി. പുറക്കാട് പഞ്ചായത്ത് 12-ാം വാര്ഡ് തോട്ടപ്പള്ളി ഒറ്റപ്പന പള്ളിക്ക് സമീപം ചെമ്പകപ്പള്ളില് വീട്ടില് പരേതനായ വിമുക്തഭടന് സെയ്തുമുഹമ്മദിന്റെ മകള് റംലത്തി (60) നെയാണ് മരിച്ച നിലയില് കണ്ടെത്തിയത്.
ഞായര് വൈകിട്ട് 4.30 ഓടെയാണ് മരണ വിവരം പുറത്തറിയുന്നത്്. ഇവരുടെ പെന്ഷന് കാര്യത്തിനായി തോട്ടപ്പള്ളി മുസ്ലീം ജമാ അത്തില് നിന്നുള്ള ജീവനക്കാരന് അബൂബക്കര് രാവിലെ 10 ഓടെ എത്തിയെങ്കിലും വീട് അടച്ചിട്ടിരുന്നതിനാല് തിരികെ പോയി. വൈകിട്ട് സമീപവാസികളും ബന്ധുക്കളുമായ സ്ത്രീകള് ഇവരെ അന്വഷിച്ചെത്തിയെങ്കിലും മുന് വാതില് അടഞ്ഞുകിടന്നു.
തുടര്ന്ന് വീടിന്റെ ഭാഗത്തെത്തിയപ്പോള് അടുക്കളവാതില് തകര്ത്ത നിലയിലായിരുന്നു. പിന്നീട് അകത്തു കയറി നോക്കിയപ്പോഴാണ് കിടപ്പ് മുറിയിലെ കട്ടിലില് മൃതദേഹം കണ്ടെത്തിയത്.