Crime
ഭാര്യ ഉപേക്ഷിച്ചുപോയി; ഭിന്നശേഷിക്കാരായ മക്കളെ കൊലപ്പെടുത്തി പിതാവ് ജീവനൊടുക്കി
സിൽവാസ്സ ; ഭാര്യ ഉപേക്ഷിച്ചുപോയതിന് പിന്നാലെ ഭിന്നശേഷിക്കാരായ മക്കളെ കൊലപ്പെടുത്തി പിതാവ് ജീവനൊടുക്കി. സുനിൽ ഭാക്കാറെ(56) മക്കൾ ജയ്(18) ആര്യ(10) എന്നിവരാണ് മരിച്ചത്.
കേന്ദ്രഭരണ പ്രദേശമായ ദാദ്ര നഗർ ഹവേലിയിലെ സിൽവാസ്സയിലാണ് സംഭവം. രണ്ട് മക്കളെയും കഴുത്തുഞെരിച്ച് കൊലപ്പെടുത്തിയ ശേഷം പിതാവ് തൂങ്ങിമരിക്കുകയായിരുന്നു.
ഭാര്യ ഉപേക്ഷിച്ച് പോയതിന് ശേഷം കുട്ടികളെ തനിച്ച് നോക്കേണ്ട സ്ഥിതി വന്നതാവാം ഇയാളെ കടുംകൈ ചെയ്യുന്നതിലേക്ക് നയിച്ചതെന്നും പൊലീസ് പറഞ്ഞു.