Crime
തായ്ലന്ഡില് സ്കൂളില് വെടിവെപ്പ്; മൂന്ന് പേര്ക്ക് പരിക്ക്
ബാങ്കോക്ക്: തായ്ലന്ഡില് സ്കൂളിലുണ്ടായ വെടിവെപ്പ്. അധ്യാപകരെയും വിദ്യാര്ഥികളെയും ബന്ദികളാക്കി 18 കാരനാണ് ഭീകരാന്തരീക്ഷം സൃഷ്ടിച്ചത്. ബുധനാഴ്ച്ച വൈകുന്നേരം ഹാറ്റ് യായ് ജില്ലയിലെ സ്കൂളില് ആണ് സംഭവം. സ്കൂളില് നിന്ന് മൂന്നിലധികം വെടിയൊച്ച കേട്ടതായി ദൃക്സാക്ഷികളെ ഉദ്ധരിച്ച് റിപ്പോര്ട്ടുകള് പറയുന്നു.
അക്രമിയെ പിടികൂടിയെന്നും ഇയാള് ബന്ദികളാക്കിയ അധ്യാപകരെയും വിദ്യാര്ഥികളെയും മോചിപ്പിച്ചുവെന്നും അധികൃതര് നേരത്തെ അറിയിച്ചു. സ്കൂളിലുണ്ടായിരുന്ന എല്ലാവരും സുരക്ഷിതരാണെന്നും അധികൃതര് പറഞ്ഞു.
ആക്രമണത്തില് ഒരു അധ്യാപികയ്ക്കും 14 കാരിയായ വിദ്യാര്ഥിക്കും വെടിയേറ്റതായാണ് പ്രാഥമിക വിവരം. അക്രമിയെ വെടിവച്ചാണ് സുരക്ഷാ ഉദ്യോഗസ്ഥര് കീഴ്പ്പെടുത്തിയത്.