Politics
ജി സുധാകരനോടുള്ള അവഗണന: ആലപ്പുഴ സിപിഐഎമ്മില് അതൃപ്തി പുകയുന്നു
ആലപ്പുഴ: ജി സുധാകരനോടുള്ള അവഗണനയ്ക്ക് പിന്നാലെ ആലപ്പുഴ സിപിഐഎമ്മില് അതൃപ്തി പുകയുന്നു. നേതൃത്വത്തിനെതിരെ രൂക്ഷ വിമര്ശനവുമായി അമ്പലപ്പുഴ ബ്ലോക്ക് പഞ്ചായത്ത് പ്രസിഡന്റ് ഷീബ രാകേഷാണ് രംഗത്തെത്തിയത്.
സംശുദ്ധ രാഷ്ട്രീയത്തിന്റെ വെളിച്ചമാണ് ജി സുധാകരനെന്നും അഭിമാനത്തോടെ ഉറക്കെ വിളിച്ച് പറയാവുന്ന പേരാണതെന്നും ഷീബ പറഞ്ഞു. ഫേസ്ബുക്കില് പങ്കുവെച്ച കുറിപ്പിലായിരുന്നു ഇവരുടെ പരാമര്ശം. സഖാവിനെ കുറിച്ച് നാടുനീളെ കുറ്റം പറയുന്നവര് വായിക്കാനാണ് കുറിപ്പെന്നും ഷീബ പറയുന്നു.
‘സംശുദ്ധ രാഷ്ട്രീയത്തിന്റെ വെളിച്ചമെന്ന് അഭിമാനത്തോടെ ഉച്ചത്തില് വിളിച്ചു പറയാവുന്ന പേരുകളില് ഒന്നാമത് സഖാവ് ജി സുധാകരന് തന്നെയാണ്. ആ പേരും പറഞ്ഞ് എത്ര ഉപദ്രവിച്ചാലും മൂലയ്ക്ക് ഇരുത്തിയാലും വെട്ടി കൂട്ടിയാലും അതുറക്കെ പറയാന് പേടിയില്ല. സഖാവിനെക്കുറിച്ച് നാട് നീളെ നടന്ന് കുറ്റം പറഞ്ഞ് നേരിട്ട് കാണുമ്പോള് മുട്ടു വിറയ്ക്കുന്നവര് വായിക്കാന്’ എന്നാണ് ഷീബാ രാകേഷ് ഫേസ്ബുക്കില് കുറിച്ചത്