Kerala
കോണ്ഗ്രസിന്റെ പരിപാടികളില് പ്രവര്ത്തകര്ക്കും നേതാക്കള്ക്കും ഇനി മുതൽ പെരുമാറ്റച്ചട്ടം
തിരുവനന്തപുരം: കോണ്ഗ്രസിന്റെ പരിപാടികളില് പ്രവര്ത്തകര്ക്കും നേതാക്കള്ക്കും പെരുമാറ്റച്ചട്ടം ഏര്പ്പെടുത്തി.
വേദിയില് കസേരകളില് പേരെഴുതി ഒട്ടിക്കണം, ജാഥകളില് അത് നയിക്കുന്നയാളുടെയോ ബാനറിന്റെയോ മുന്നിലേക്ക് ഇടിച്ചുകയറി നില്ക്കരുത് തുടങ്ങിയ നിര്ദേശങ്ങളാണ് പ്രവര്ത്തകര്ക്ക് നല്കിയിരിക്കുന്നത്.
പെരുമാറ്റച്ചട്ടം ലംഘിക്കുന്നത് അച്ചടക്ക ലംഘനമായി കണക്കാക്കുമെന്ന് ഇതുസംബന്ധിച്ച് ഇറക്കിയ സര്ക്കുലറില് പറയുന്നു. കോഴിക്കോട് ഡിസിസി ഓഫീസ് ഉദ്ഘാടനത്തിനിടെ ഉണ്ടായ തിക്കും തിരക്കും പാര്ട്ടിക്ക് നാണക്കേടുണ്ടാക്കിയ പശ്ചാത്തലത്തിലാണ് പുതിയ പെരുമാറ്റച്ചട്ടം ഇറക്കിയിരിക്കുന്നത്.