Kerala
ദേശീയപാത വിവാദം; മന്ത്രി റിയാസിനെ ക്ഷണിക്കാത്തതുമായി ബന്ധപ്പെട്ട വിവാദത്തില് പ്രതികരിച്ച് ബിജെപി സംസ്ഥാന അധ്യക്ഷന്
തിരുവനന്തപുരം: ദേശീയപാതയുടെ ഉദ്ഘാടന ചടങ്ങില് പൊതുമരാമത്ത് വകുപ്പ് മന്ത്രി മുഹമ്മദ് റിയാസിനെ ക്ഷണിക്കാത്തതുമായി ബന്ധപ്പെട്ട വിവാദത്തില് പ്രതികരിച്ച് ബിജെപി സംസ്ഥാന അധ്യക്ഷന് രാജീവ് ചന്ദ്രശേഖര്. മുഖ്യമന്ത്രിയെയും മന്ത്രി മുഹമ്മദ് റിയാസിനെയും ആക്ഷേപിക്കുന്ന വിധത്തിലായിരുന്നു രാജീവ് ചന്ദ്രശേഖറിന്റെ പ്രതികരണം.
മന്ത്രിയുടെ പേരില്ലാത്തത് ഒരു പ്രശ്നമാണെങ്കില് ആയിക്കോട്ടെയെന്ന് രാജീവ് ചന്ദ്രശേഖര് പറഞ്ഞു. കേന്ദ്രസര്ക്കാരിന്റെ പ്രോട്ടോക്കോള് പ്രകാരം സംസ്ഥാനത്തിന്റെ തലവനായ മുഖ്യമന്ത്രിയെ ക്ഷണിച്ചു. മുഖ്യമന്ത്രിക്കൊപ്പം മരുമകനെയും കുടുംബത്തെയും വിളിക്കണമെന്ന് എവിടെയാണ് എഴുതിവെച്ചിരിക്കുന്നതെന്ന് രാജീവ് ചന്ദ്രശേഖര് ചോദിച്ചു. തിരുവനന്തപുരത്ത് മാധ്യമങ്ങളോട് സംസാരിക്കവെയായിരുന്നു രാജീവ് ചന്ദ്രശേഖറിന്റെ പ്രതികരണം.