Kerala
കളഞ്ഞുകിട്ടിയ എടിഎം കാര്ഡില് നിന്നും പണം തട്ടി; ബിജെപി ബ്ലോക്ക് പഞ്ചായത്ത് അംഗം അറസ്റ്റില്
ആലപ്പുഴ: കളഞ്ഞുകിട്ടിയ എടിഎം കാര്ഡില് നിന്നും പണം തട്ടിയ ബ്ലോക്ക് പഞ്ചായത്ത് മെമ്പര് അറസ്റ്റില്. ചെങ്ങന്നൂര് ബ്ലോക്ക് പഞ്ചായത്തിലെ ബിജെപി അംഗം സുജന്യ ഗോപി (42) ആണ് അറസ്റ്റിലായത്.
കഴിഞ്ഞ ശനിയാഴ്ചയായിരുന്നു സംഭവം. ചെങ്ങന്നൂര് വാഴാര്മംഗലം സ്വദേശി വിനോദ് ഏബ്രഹാമിന്റെ എടിഎം കാര്ഡാണ് കളഞ്ഞുപോയത്. കാര്ഡിനു പിന്നില് എഴുതിവെച്ച പിന് നമ്പര് ഉപയോഗിച്ചാണ് പണം പിന്വലിച്ചത്. വിവിധ എടിഎം കൗണ്ടറുകളില് നിന്നായി 25,000 രൂപയാണ് തട്ടിയത്. സജന്യയുടെ കൂട്ടാളി സലിഷ് മോനെയും ചെങ്ങന്നൂര് പൊലീസ് അറസ്റ്റ് ചെയ്തു.